खंत

____________________________

तुमचं रागावणं 

जाणीवपूर्वक आहे 

कि सहज कळत नाही,

चुकाही होतात माणसांकडून सहज,

जाणीवपूर्वक नाही...!

तुमची मदत आजही

या हृदयात ठेवली आहे सांभाळून,

पण तिचं भांडवल मला

करता आलं नाही, 

हि एकच मोठी चूक..!

दानत पाहून तुमची

मनास नवल वाटलं अन् हेवाही,

आभार मानायचे मात्र राहून गेलं

याची खंत असते सतत 

आणि टोचत राहते मनाला क्षणोक्षणी..!

जेव्हा अंतर पडलं आपल्यात

ते खूपच जाणवतंय मैलांहून जास्त,

कधी फिटेल या उपकारांचं ओझं

हीच खंत आहे मनात

आपण समजून घ्यावं हि एकच विनंती

सदाच जपून ठेवेन मनात 

तुमचा मदतीचा हात..!

©️®️ 

गजेंद्र ढवळापुरीकर

24/12/2021 गुरुवार

_____________________________