निरजा माझी भाग्याची

➖➖➖➖➖➖➖➖➖➖➖
*स्पर्धेसाठी*

*निरजा रचना निरजाच्या वाढदिवसानिमित्त*


*विषय:- निरजा माझी भाग्याची*



निरजा माझी भाग्याची
कौतुके लाडाची
आमची
तुमची
लाडकी प्रेमळ
सुख भरल्या पाऊलांची.....!1


लेक लाडकी बापाची
तुपात साखर
गोडाची
ओंजळ
भरून सुखाची
ओढ लावते प्रेमाची......!2


दुधाची वरच्या सायीची
घट्ट बनवता
लोणी
वाणी
होते गोड
लेक लक्ष्मी सासरची......!3


लेक सावली घराची
दोन परीवाराची
मायेची
लाडाची
वंशवेल कुळाची
वाढत जाते जीवनाची......!4


शोभा माहेर सासरची
अंतरात मनाची
स्वप्नांची
भावनांची
करताना सोबत
साथ मिळो आपल्याची....!5

वंशवेल मांडवात कुळाची
वाढत जाईल
लेकीमुळे
बहरेल
घरकुल आपले
आशा वेड्या मनामनाची



.....✍🏻
गजेंद्र
ढवळापुरीकर
स्वराजनगर औरंगाबाद
➖➖➖➖➖➖➖➖➖➖➖

प्रित माझी

➖➖➖➖➖➖➖➖➖➖➖
💐💐गझल💐💐
*वृत्त:- मनोरमा*

*लगावली:-गालगागा गालगागा*


प्रित माझी गात आहे
लांब कोणी जात आहे.....//धृ//

रात राणी गंध ओला
प्रेम माझे देत आहे.....//11//

सांजवेळी वार झाला
घाव सारे कात आहे....//2//

प्रेम गाणी  शांत आता
मोल सारे त्यात आहे....//3//

साथ देण्या ये पुन्हा तुच
सुर माझे गात गात आहे...//4//

श्वास राजी प्रित होण्या
आज कारे शांत आहे...//5//

घेत असते माग सारे
तीच तुझी भ्रांत आहे....//6//

....✍🏻
गजेंद्र
ढवळापुरीकर
स्वराजनगर औरंगाबाद
➖➖➖➖➖➖➖➖➖➖➖

माय मराठी

➖➖➖➖➖➖➖➖➖➖➖➖
*स्पर्धेसाठी*

*विषय :- माय मराठी*
➖➖➖➖➖➖➖➖➖➖➖➖

महि माय मराठी
मला तीचा अभिमान,
*मह्या महाराष्ट्र धरतीची*
*हाये ती शान.....!1*

आपुसक येती व्हटावर
मन थिरकणारे बोल,
*सुगंध येतो मातीचा*
*मनी मराठीची ओल...!2*

सुर छेडते ही मराठी
सरगम होतसे नशिली
*हिच्या शब्दांची रंगत*
*मी ताईला सुरात पाहिली...!3*

माय मराठीची गोडी
राहो समद्यांच्या मनी
*हृदयी शिरावी ती तेव्हा*
*व्हावे माय मराठीचे ऋणी...!4*


......✍🏻
गजेंद्र
ढवळापुरीकर
स्वराजनगर औरंगाबाद.

➖➖➖➖➖➖➖➖➖➖➖➖

*मन कृतज्ञतेने भरते*

⛵⛵⛵⛵⛵⛵⛵⛵⛵⛵⛵

*मन कृतज्ञतेने भरते*

साधुसंताची संगत लाभली
जीवन हे सुखी जाहले इथे
*तयांची सेवा करता हृदयातुनी*
*मन मत्सर गाळून कृतज्ञतेने भरते.....!1*


सावलीत राहूनी गुरूजनांच्या
आज्ञा पाळत वडिलध-यांच्या
*ज्ञानमार्गाने हे आयुष्य फुलत जाते*
*मन अज्ञान सोडून कृतज्ञतेने भरते....!2*


साथी मिळता येथे सगे सोयरे
संकटकाळी येते सुखाचे उबारे
*आयुष्य जगत असताना प्रेम मिळते*
*मन हेवेदावे सोडून कृतज्ञतेने भरते.....!3*


मित्र-मैत्रीणींच्या मैफिलीत जातो
सुख आणि समाधान घेऊन येतो
*नवचैतन्य निर्माण होते त्या ठिकाणी*
*मन शांत होऊन माझे कृतज्ञतेने भरते....!4*



*....✍🏻गजेंद्र*
*ढवळापुरीकर...*
*स्वराजनगर औरंगाबाद*
⛵⛵⛵⛵⛵⛵⛵⛵⛵⛵⛵

मन कृतज्ञतेने भरते

⛵⛵⛵⛵⛵⛵⛵⛵⛵⛵⛵

मन कृतज्ञतेने भरते


मन कृतज्ञतेने भरते
जेव्हा मन खरे काम करते
वाहवा ऐकून सा-यांची..
*माझे मन कृतज्ञतेने भरते......!1*


रूसवे फुगवे सोडून सारे
कोणी मैत्रीस हात पुढे करते
पाहून त्याची आत्मियता
*माझे मन कृतज्ञतेने भरते.......!2*


वाट चुकलेल्यास कोणी
खरा निर्भयतेचा रस्ता दाखवते
आपलेपणा हृदयात घेताना
*माझे मन कृतज्ञतेने भरते......!3*


उपकारांचे आभार मारताना
सच्चे पणाचे तिथे वारे वाहते
मदतीस येणारे हात बघताना
*माझे मन कृतज्ञतेने भरते.......!4*


गरिबांचे हित पाहणारे बघता
तन मन चिंब कृतार्थ होते
वेदनेचा मार्ग *आपला* म्हणताना
*माझे मन कृतज्ञतेने भरते.......!5*


........✍🏻

गजेंद्र
ढवळापुरीकर
स्वराजनगर औरंगाबाद

⛵⛵⛵⛵⛵⛵⛵⛵⛵⛵⛵

अंधश्रद्धा निर्मूलन

🐠🐠🐠🐠🐠🐠🐠🐠🐠🐠🐠

*स्पर्धेसाठी.*


*विषय :- अंधश्रद्धा निर्मूलन*


अंधश्रद्धेला गाडून टाका,
अंधश्रद्धेला फाडून टाका
जादुटोणा करणी धरणी
हे वेड मनातून काढून टाका......!1


अंधश्रद्धेचे पाय छाटा
अंधश्रद्धेचे हात छाटा
अंधश्रद्धेने दानधर्म करणे
आहेत या बोथट वाटा............!2


अंधश्रद्धा कोठून आली
अंधश्रद्धा साठून गेली
भोळ्या भाबड्या मनामध्ये
अंधश्रद्धा गोठून गेली..............!3


अंधश्रद्धेला कोण मानतो
अंधश्रद्धेला कोण जाणतो
अंधश्रद्धेला मनात ठेवून
अंधश्रद्धा निरक्षर पाळतो........!4


अंधश्रद्धा काल ही होती
अंधश्रद्धा आज ही आहे
अंधश्रद्धा उद्या ही राहिल
अंधश्रद्धा एक पाप आहे............!5


अंधश्रद्धेचे करू निर्मूलन
अंधश्रद्धेचे करू विसर्जन
अंधश्रद्धेला अग्नी देऊन
अंधश्रद्धेचे करूया दहन............!6



गजेंद्र
ढवळापुरीकर
स्वराजनगर औरंगाबाद......

🐠🐠🐠🐠🐠🐠🐠🐠🐠🐠🐠

बहर (सायली रचना)

*सायली*

बहर
आला राणी
आपल्या या संसारी
सखये तुच
अंतरी..................!1
___________________________
*सायली*

प्रेमासाठी
झुंजविल सारा
देह मी वावटळीसारखा
हृदयात माझ्या
प्राणासारखा...........!2
___________________________
*सायली*

शांत
आहे सखये
तुझ्या अंतरीचे बोल
राहू नकोस
अबोल...............!3
___________________________
*सायली*

सप्तरंग
प्रेमाचे आपले
आपणच बघ उधळले
सुगंध  प्रेमाचे
गंधाळले...............!4
___________________________
*सायली*

प्रपंच
तुझा माझा
छान रंगात आला
मनाचा मोर
आनंदला...........!5
___________________________

गोफण

*स्पर्धेसाठी*

*विषय:- गोफण*


*कारभारनी तांबडं फुटलं*
*गोफण खोसतो कमरला,*

पाखरांची सुरू लगबग
चल मी जातो राखणीला........!1


*कणसं भरलीत दाण्यानं*
*पाखरांचा बघ थयथयाट*

गोफण फिरवता मी जोरानं
पाखरं धरतील घरची वाट.......!2


*नभात रंगल्या कवायती*
*गोफण धरते नेम अचुक*

पाखरं येता माझ्या पिकावरी
जीवाची होते राणी धाकधूक.....!3


*डोक्यावर पाटी घेऊन माझी*
*तुरूतुरू  चाले  कारभारीन*

गोफण घेऊन उपाशी पोटी
राखतोया धनी शाळूचे रान.......!4


*होता येळ न्याहारीची*
*ठेवता गोफण जरा खाली*

दोनच घास घालतो पोटी
तिकडं पाखरांच्या हालचाली......!5


*सनसन करीत फिरते गोफण*
*सुसाट भेदीते  दुरवरचे रान*

राखीतो शेती भाबडा शेतकरी
जगवितो अख्या देशाचे प्राण.......!6


गजेंद्र
ढवळापुरीकर
स्वराजनगर औरंगाबाद....

दिलाचा राजा घरधनी माझा

🐥🐥🐥🐥🐥🐥🐥🐥🐥🐥🐥

*स्पर्धेसाठी*


*विषय:-दिलाचा राजा घरधनी माझा*


दिलाचा राजा घरधनी माझा
आज येणार बाई गं,
*वेड्या मनाचा पारवा तनाचा*
*आज उडणार बाई गं...........//धृ//*

नऊवारी लुगडं नेसून मी
वाट तयाची बघते गं,
साजण येणार कामावरून
नटून थटून बसते गं,
*सावज फसणार जाळ्यामधी*
*मी बावरून जाणार बाई गं*
*वेड्या मनाचा पारवा तनाचा*
*आज उडणार बाई गं............//1//*

स्वप्नामंदी बाई राजसानं
दैना माझी केली गं,
ज्वानीची लई दिवसानं
इच्छा पुरी झाली गं,
*इंद्रधनूच्या रंगासारखी मी*
*रंग खेळणार बाई गं*
*वेड्या मनाचा पारवा तनाचा*
*आज उडणार बाई गं.........//2//*


चोळी बाई दाटते अंगातं
साजण आला रंगातं
खानाखुना माझ्या पाहून
बावरा झाला प्रेमातं
*नजरेच्या या खेळानं गडी*
*होईना दिलदार बाई गं*
*वेड्या मनाचा पारवा तनाचा*
*आज उडणार बाई गं...........//3//*


दिलाचा राजा घरधनी माझा
आज येणार बाई गं
*वेड्या मनाचा पारवा तनाचा*
*आज उडणार बाई गं............*
*वेड्या मनाचा पारवा तनाचा*
*आज उडणार बाई गं............*



गजेंद्र
ढवळापुरीकर
स्वराजनगर औरंगाबाद

🐥🐥🐥🐥🐥🐥🐥🐥🐥🐥🐥

स्वप्न प्रितीचे

💔💞💔💞💔💞💔💞💔💞💔💞💔💞
💔💞💔💞💔💞💔💞💔💞💔💞💔💞

💞💞💞💞स्वप्न प्रितीचे💞💞💞💞

नव्हते मला कळले भाव तुझ्या प्रेमाचे
सजणी पाहिले तरीही मी स्वप्न प्रितीचे..//धृ//

हळवे होते हृदयी माझ्या शब्द ते ताजे
ओसंडून वाहिले हृदयाचे भाव ते माझे
मोडले ना स्वप्न प्रिये उमलत्या कळीचे
सजणी पाहिले तरीही मी स्वप्न प्रितीचे..//1//

दिसतील का तुला आक्रोश या मनाचे
गंधाळलेले एकतर्फी माझ्या भावनाचे
बंधन तोडीलेस का जुळणार्या क्षणाचे
सजणी पाहिले तरीही मी स्वप्न प्रितीचे..//3//

नव्हते मला कळले भाव तुझ्या प्रितीचे
सजणी पाहिले तरीही मी स्वप्न प्रितीचे...

गजेंद्र
ढवळापुरीकर
स्वराजनगर औरंगाबाद..

💔💞💔💞💔💞💔💞💔💞💔💞💔💞
💞💔💞💔💞💔💞💔💞💔💞💔💞💞

*🗡पुन्हा जन्माला यावे शिवराय🗡*

*साहित्य काव्यगंध आयोजित*
*शिवजयंती विषेश काव्य स्पर्धेसाठी*


*🗡पुन्हा जन्माला यावे शिवराय🗡*


सह्याद्रीच्या कडेकपारी
आवाज घुमतो हाय,
एकच ध्यास आम्हाला
पुन्हा यावे जन्माला शिवराय...//धृ//


वाढला अन्याय इथे
वाढला अत्याचार इथे,
यावे शिवराय बघण्याला
वाढला दुराचार इथे,
भेदुन सह्याद्री रांगाना
आवाज घुमत जाय
एकच ध्यास आम्हाला
पुन्हा जन्माला यावे शिवराय...//1//


निर्माण व्हाव्या आई जिजाऊ
लाखो जन्मतील शुरवीर,
उदरात घडवतील संस्कार
आणि न्यायास मिळेल सुर,
ये मर्दां त्या छातीचा
तु कोथळा काढून पाह्य,
एकच ध्यास आम्हाला
पुन्हा यावे जन्माला शिवराय...//2//


गुलामगिरी ती चिरडून टाका
व्हावे स्वावलंबी आता,
छत्रपती शिवरायप्रमाणे
करावे स्वराज्य स्थापन आता,
वाचा फोडा न्यायासाठी
सहन करू नका अन्याय,
एकच ध्यास आम्हाला
पुन्हा यावे जन्माला शिवराय...//3//


इज्जत करणे आया बहीणींची
असे होते महान ते राजे,
लज्जा वाटते आजच्या पिढीची
काय घडते आहे इथे राजे,
थांबवण्या या कालचक्राला
कोण देईल सांगा अभिप्राय,
एकच ध्यास आम्हाला
पुन्हा यावे जन्माला शिवराय...//4//


स्वप्न उद्याचे पाहू उज्वल
राहू स्वागताला तयार,
येणार आहे जन्मास पुन्हा
शिवछत्रपती घेऊनी तलवार,
रक्त पेटवा श्वास पेटवा
बदलत मग नितीमत्ता जाय
एकच ध्यास आम्हाला
पुन्हा यावे जन्माला शिवराय...//5//


✍🏻गजेंद्र..
ढवळापुरीकर
स्वराजनगर औरंगाबाद...

*स्पर्धेसाठी पोवाडा*


स्वराज्य आले मोडकळीला
जनता घाबरले दरा-याला
मुघलांचा सम्राट
आदिलशहाला जी जी जी जी हो....

अशा या काळ रात्रीला
आई जिजाई होती चितेंला
कुणी तरी यावे रक्षणाला
अन् मारावे मुघलाला जी जी जीहो...

अशा येळंला तोफ कडाडे
चौघडे धडाडे तुता-या किंकाळीने
आई जिजाई नवस बोले शिवाईला
एक पुत्र द्यावा मजला जी जी जी हो....

शिवाई पावली नवसासं
घडला दैदिप्यमान चमत्कार...!
पुणे जिल्ह्यात जुन्नर गावात
शिवनेरी किल्यात आई जिजाईच्या पोटी जन्म झाला जी जी जी जी हो....

सोहळा शिवजन्माचा
आनंदी आनंद सगळ्यांचा
करी उत्सव साजरा जन्माचा
नाव ठेविले शिवबा जी जी जी हो....

शिवबा आले वयात
रामकृष्णाची महती ऐकत
होई बुद्धी तल्लख आणि मग
आई जिजाऊ घडीव संस्कार जी जी जी हो...

शिकले तलवार चालवायला
पट्टा शिकले फिरवाया
भालाफेक लागले उत्तम कराया
आईने आणि दादोजी कोंडदेवाने
घडवला उत्तम लढवय्या जी जी जी हो...

जमविले मग दोनचार मावळे
केले स्वराज्यास मुघलातून वेगळे
आई जिजाऊ देई शिक्षण निराळे
तिकडे मुघलसम्राट तळमळे जी जी जी हो....

असा घडला राजा रयतेचा
जिव की प्राण लोकांचा
नव्हता गर्व आभिमान त्याचा
झळकला जंगी शिवराय माझा जी जी जी हो...



✍🏻गजेंद्र..
ढवळापुरीकर
स्वराजनगर औरंगाबाद...

*छत्रपती शिवाजी*

*स्पर्धेसाठी*


*छत्रपती शिवाजी*(अष्टाक्षरी)



माझा शिव छत्रपती
पुन्हा जन्मेल का सांगा,
अत्याचार दुराचार
पुन्हा संपेल का सांगा...........!1


शिवबांची किर्ती थोर
आई मिळाली जिजाई,
रक्षिण्यास स्वराज्य हे
देई आशिष शिवाई.............!2


लाख मिळाले सोबती
शुर मराठी मावळे,
छाती चिरून उरती
शुर प्रतापी मावळे.............!3


मान राखली शिवबा
धन्य तुझे उपकार,
देण्या आशिष आम्हास
तळपू दे तलवार.................!4


छत्रपती शिवराय
पुन्हा यावे ते जन्माला,
कुळ उद्धार करण्या
रक्त हे उसळण्याला..............!5


एक राजा सह्याद्रीचा
माझा छत्रपती राजा,
झेंडा भगवा घेऊन
लढे छत्रपती माझा...............!6


शिवराय होते तेव्हा
तळपली तलवार,
निघता ती म्यानातुन
होई मुघल बेजार..................!7


विडा उचलला राजे
तुम्ही स्वराज्य रक्षिणे
बळ यावे बाहुमध्ये
आहे दुश्वार जगणे.................!8

आया आणि बहीणींचे
रक्त सांडले हे इथे,
वार ते झेलण्या आता
राजे नाही कोणी इथे..............!9


पुन्हा जन्मावी जिजाऊ
अन् घडवावे शिवाला,
करू प्रतिज्ञा ती पुन्हा
वाढवू या स्वराज्यला.............!10



✍🏻गजेंद्र...
ढवळापुरीकर
स्वराजनगर औरंगाबाद....

बंध प्रेमाचे अतुट.

*विषय :- बंध प्रेमाचे अतुट*


*चाल:- तेरा मेरा प्यार अमर*(असली नकली)


बंध अतुट प्रेमाचे
तुझ्या नि माझ्या प्रितीचे,
प्रिये सजणी सखये
नाते जपले तु माझे,
बंध अतुट प्रेमाचे
तुझ्या नि माझ्या प्रितीचे.........//धृ//


मन हे माझे बावरे
वेड्या मना सावर रे,
धुंद आनंदी मनास
थोडा विसावा तु दे रे,
स्वप्न माझे तुझ्या ठायी
वेडा झालो तुझ्या पायी,
नशा ही वेड्या प्रेमाची
माझ्या नयनातुन वाही,
बंध अतुट प्रेमाचे
तुझ्या नि माझ्या प्रितीचे........//1//


अंतरात माझ्या तुचं
कसे सावरू स्वतःला,
स्वच्छ आपल्या प्रेमात
विसरलो गं स्वतःला,
होई आनंदी जीवन
सखे जुळले बंधन,
वारा वाहतो सौख्याचा
निरुपम झाले हे तन,
बंध अतुट प्रेमाचे
तुझ्या नि माझ्या प्रितीचे........//2//


रंग चढला संसारी
साथ तुझी मला प्यारी,
श्वास माझे हे अर्पण
सखे तुझ्या प्रितीवरी,
श्वास माझे तुजसाठी
अश्रू हृदयी हे दाटी
प्राण झुरावा माझा हा
तुला सुख देण्यासाठी
बंध अतुट प्रेमाचे
तुझ्या नि माझ्या प्रितीचे........//3//



गजेंद्र..
ढवळापुरीकर
स्वराजनगर औरंगाबाद
मो.9623714011

🔴आईचे उपकार🔵

🔴 *आईचे उपकार*🔵


अरे मुर्खा
बघ त्या आईकडे,
नऊमहिने पोटात वाढवून तिने,
तुला जन्म दिला...!
आणि लहानाचे मोठे करण्यासाठी,
मरणयातना भोगल्या...!
ते उपकार विसरलास कारे,
पई पई साठवून तिने,
तुझे शिक्षण केले हट्ट पुरवले...!
पोटाला चिमटे देऊन,
वेळप्रसंगी उपाशी पोटी राहून,
तुला स्वावलंबी केले,
ते काय म्हातारपणी लाथाडण्यासाठी...!
लग्न करून तिने तुला दोनाचे चार केले,
बायकोचे आणि तुझे हट्ट पुरवता पुरवता,
तुला आरामदायी आणि स्वतःला घायाळ केले...!
आज बघ ती थकलिये,
हात पाय गुडघ्याने पार झुकलिये,
तरी कष्ट पिच्छा सोडवेना...!
दोन घासाच्या भुकेसाठी तडफड तीची,
रोज मरमर करताना जीव मुठीत घेते ती,
आता गरज आहे तीला विश्रांतीची...!
चल तिचे पांग फेडुया,
तीला थोडासा विसावा देऊया,
ती नाही म्हंटलीतरी,
आपण आपले कर्तव्य करूया...!
रोज होणारी परवड तिची,
मलाही आता बघवेणा,
मनातुन रडताना माझे अश्रू,
आज मलाच दोषी ठरवत आहे,
मलाही वाटतं जितका तु दोषी आहेस,
तितकाच मी पण नाही का..?
तु जे केलं आहेस तेच मी केलंय,
स्वतःचे बघता बघता,
हे मन आईला विसरून गेलंय,
स्वार्थी अहंकारी होता होता,
आईचे उपकार विसरून गेलंय...!
नको हे जगणं,
आईला सतत झिजताना पाहणे,
मनावर वार करून जाते,
तिच्या कष्टाचे चिज झाले पण...,
माझ्या जन्माचे सार्थक ना झाले...!
आईच्या उपकारच्या ओझ्याखाली,
अडकवलेले हे पाषाणी हृदय,
खरंच मृदू होईल का...?
तिच्या जन्माचे सार्थक करायला,
माझे तिच्या पोटी येणे,
हे आनंदयुक्त विश्व पाहणे,
इथले मनसोक्त केलेले सर्व कर्म,
तिच्या उपकारांचे देणे लागत नाही का..?
मला इथे जगताना आता एकच करायचे आहे,
तिचे उबगलेले जीवन परत फुलावयाचे आहे...!
आणि माझ्या जन्मावर उधळलेले तिचे एकेक क्षण,
तिला परत करताना देवाकडे,
हे आयुष्य पुन्हा मागायचे आहे...!
ऋण फेडण्यासाठी,
तिचे अणगणित उपकार फेडण्यासाठी,
या जन्मांचे सार्थक करण्यासाठी..!
या जन्मांचे सार्थक करण्यासाठी...!!




गजेंद्र...
ढवळापुरीकर
स्वराजनगर  औरंगाबाद..
9623714011/7798520126

🎤🎤🎤🎤🎤🎤🎤🎤🎤🎤🎤

माझा गाव

****************************
*स्पर्धेसाठी*
****************************


             *माझा गाव*


सुंदरशा आठवणीचे कधी मिटते का नाव
आठवणीत राहिल असा आहे माझा गाव..//धृ//

मधोमध गावाच्या आहे मंदिर
दर्शनास उघडे राही सदा मंदिर
दर्शनाला लांब लागे रांगच रांग
आठवणीत राहिल असा आहे माझा गाव..//1//

अजूनही मनात तिथे स्थान मिळते
आठवणींचे भरून तिथे दान मिळते
साधा भोळा आहे माझ्या लोकांचा भाव
आठवणीत राहिल असा आहे माझा गाव..//2//

राजकारणात आहे तिथे दुफळी
सत्कार्यात जमा होते गावची सारी मंडळी
एक धर्म एक जात तिथे नाही दुजाभाव
आठवणीत राहिल असा आहे माझा गाव..//3//

रस्ते ही सुंदर आहे गावातले
छोटेसे सुंदर शहर ते मनातले
भेट देऊन गावाला जातो साहेब राव
आठवणीत राहिल असा आहे माझा गाव..//4//

गावा मधली सारी ती लहान मुलं
गुलाबाच्या झाडावरची जसी गोड फुलं
मायेने जखमेवरचा तिथे विरून जातो घाव
आठवणीत राहिल असा आहे माझा गाव..//5//

आनंदाने नांदे माझा गाव सारा
तंटामुक्तीचा तिथे नाही रे पहारा
भांडण होईल गावामधे असा एक मला दाव
आठवणीत राहिल असा आहे माझा गाव..//6//

सण होतात साजरे तिथे एकाचढ एक
रंगपंचमीला रंगांची नुसती फेकाफेक
दिवाळीला उजळून जातो माझा सारा गाव
आठवणीत राहिल असा आहे माझा गाव..//7//

दिन दलितांची नाही तिथे कुचंबणा
एकच शिकवण तिथे सर्वांना आपले म्हणा
जन्मुन येईन तिथे पुन्हा मी एकडाव
आठवणीत राहिल असा आहे माझा गाव..//8//

एक दिवस गावासाठी झिजेन मी
मरून ही मनात त्यांच्या उरेन मी
गेल्यावर मी मागे फक्त उरेल नाव
आठवणीत राहिल असा आहे माझा गाव..//9//

सुंदरशा आठवणींचे कधी मिटते का नाव
आठवणीत राहिल असा आहे माझा गाव..
आठवणीत राहिल असा आहे माझा गाव...


*धन्यवाद.*


                    गजेंद्र ढवळापुरीकर
                         स्वराजनगर
                         औरंगाबाद
****************************

वासुदेवाची स्वारी

*चित्रकाव्य स्पर्धेस*


आहे मुखी देवाचे नाम
गळ्यात  वसे  हरीराम
आली वासुदेवाची स्वारी
करत  देवांचे  गुणगान...
करत  देवांचे  गुणगान....1


मोरपिसाचा डोक्यावरी
मुकूट  शोभे  शिरावरी
कुंकू  लेवून  भाळावरी
करीतो भक्ती खरीखुरी...
करीतो भक्ती खरीखुरी....2


गळ्यात तुळशी माळा
वाजवित  घुंघरवाळा
हा  देवांचा  मैतर भोळा
वंदितो रामकृष्ण डोळा...
वंदितो रामकृष्ण डोळा....3


वासुदेव फिरतो गावोगावी
पायांची करीत लवलाही
वरून  उन्ह  पहारा ठेवी
वासुदेव चरणी गजेंद्र कवी...
वासुदेव चरणी गजेंद्र कवी....4



                          गजेंद्र
                     ढवळापुरीकर
                       औरंगाबाद.

****************************