पाळणा

👵👵👵👵👵👵👵👵👵👵👵
*स्पर्धेसाठी*

*पाळणा*

*चला चला ग सयानो*
*चला चला ग चला*
*आली आली राजकुमारी*
*नाव ठेऊ गं चला.//धृ//*

नाव अंकिता छान
दिसे प्राजक्ताचे पान
छकुली गोड सानुली
करी कोकिळेचे गान
*परी माझी गोड बाई*
*करू नामकरण चला*
*आली आली राजकुमारी*
*नाव ठेऊ गं चला//१//*

नाजूक कोमल गाल
जसं चांदण शितल
नाव ठेवा आभा
डोळा लावूनी काजळ
*हलवा हलवा पाळणा*
*दोरी ओढू गं चला*
*आली आली राजकुमारी*
*नाव ठेऊ गं चला//२//*

आल्या किती बाया
नाव शोभे अनुसया
गालावरची खळी वाटे
नव प्रितीची छाया
*गोळा झाला गोतावळा*
*साखरपान वाटू गं चला*
*आली आली राजकुमारी*
*नाव ठेऊ गं चला//३//*

नाव शोभेल अवणी
जसं नितळ पाणी
घारीवाणी नजर
सांगे चातकाची वाणी
*करू गोल रिंगण बाई*
*फेरा धरू गं चला*
*आली आली राजकुमारी*
*नाव ठेऊ गं चला//४//*


गजेंद्र
ढवळापुरीकर
स्वराजनगर औरंगाबाद...
9623714011
👶👶👶👶👶👶👶👶👶👶👶

ग्रामीण संस्कृती

🔵🔴🔵🔴🔵🔴🔵🔴🔵🔴🔵
*स्पर्धेसाठी*

*.........ग्रामीण संस्कृती.......*


*ग्रामीण संस्कृती बद्दल किती सांगू*
*एकदिलाने एकमताने सारे नांदू....//धृ//*

सकाळ होता सडा रांगोळी करती गृहिणी
सार्वजनिक नळावर पिण्यास भरती पाणी
*अजब असते इथल्या घरकामाची जादू*
*एकदिलाने एकमताने सारे नांदू...//१//*

घरामधील माणसे पहाटेच जाती शेताला
घामाचाही गंध त्यांचा दरवळतो मातीला
*कष्टाचा आनंद सगळा दुनियेला वाटू*
*एकदिलाने एकमताने सारे  नांदू...//२//*

साडी चोळी साज शृंगार करती गृहिणी
धोतर सदरा वेषात दिसे पुरूष शोभूनी
*स्त्री पुरुष समानतेची तोरणे बांधू*
*एकदिलाने एकमताने सारे नांदू..//३//*

सणवार साजरे करतो आम्ही बंधूभावाने
थोरा मोठ्याचां सन्मान करतो आम्ही आदराने
*नात्यामधल्या गोडव्यांचा सुगंध वाटू*
*एकदिलाने एकमताने सारे नांदू..//४//*

गावाकडची माती आमची ग्रामीण संस्कृती
साह्य करणे एकमेकांना हिच खरी महती
*ऋणानुबंध एकोप्याचे आदराने बांधू*
*एकदिलाने एकमताने सारे नांदू..//५//*

गजेंद्र
ढवळापुरीकर
स्वराजनगर औरंगाबाद...
🔵🔴🔵🔴🔵🔴🔵🔴🔵🔴🔵

अस्तित्वं

🔷🔶🔷🔶🔷🔶🔷🔶🔷🔶🔷
*स्पर्धेसाठी*

*.........अस्तित्व.........*


माझ्या अस्तित्वाला
तुझ्या अस्तित्वाची जोड हवी
अंधारलेल्या या जगात
आपली बांधिलकी गोड हवी...१

माझं अस्तित्व तुझ्याशिवाय
जसा आकाशात एकटा चंद्र
तुझं माझं एक असणं नेहमी
जसा भासावा तो पुनवेचा चंद्र...२

माझं अस्तित्व टिकवण्यासाठी
मी आणलेल्या मधुकरीत तु खुश असावं
नसावा हेवा तुला दागदागिण्यांचा
तुझं अस्तित्व माझ्यात भिणलेलं  दिसावं..३

फक्त प्रमेश्वराची असावी मेहर
जीवनाला या मी यशस्वी करेन
तमा न बाळगता येणा-या संकटाची
आयुष्यास आपल्या समाधानी करेन..४

जपले जावे ऋणानुबंध नात्यांचे
टिकावं अस्तित्व आपल्या संसाराचं
जोखीम उचलत राहिन सुखदुःखात
दुर ठेविन घर जोखड वादळाचं......५

अस्तित्व पुसटसे होण्याआधी माझे
हे आयुष्य हे जीवन संपले जावे
पण नाते पुर्णत्वाकडे जाण्याआधी
अस्तित्व तुझे माझे टिकले जावे.....६

...✍
गजेंद्र
ढवळापुरीकर
स्वराजनगर औरंगाबाद

🔷🔶🔷🔶🔷🔶🔷🔶🔷🔶🔷

अभिव्यक्ती

🔶🔷🔶🔷🔶🔷🔶🔷🔶🔷🔶
*स्पर्धेसाठी*

*.............अभिव्यक्ती...........*


मी किती भावनांना माझ्या दाबायचं
मनातलं मनातंच कसं साठवायचं
*सांगायचं तर कोणाला इथं*
*अजूनही स्वातंत्र्य आहे मला मिळवायचं*

मी माझं जीवन माझ्या पध्दतीनं
जगायचं म्हणतो थोडसं
*पण इथल्या समाजात वावरताना*
*मनापासून मनालाच तोडतो थोडंसं*

होईल का ख-या अर्थाने मन स्वातंत्र्य
मगच जगता येईल दिलखुलास मला
*अन दुर जाईल का इथलं पारतंत्र्य*
*अन वाटेल मनमोकळं माझ्या मनाला*

इथं काहीच नाही राहिले आपले
क्षणभर सुखाचा सगळेच करती हव्यास
*मलाही वाटतं आता हवा ऐश आराम*
*वेदना शमवताना पसरवत राहो सुवास*

खाल्लेलं अंगी लागू देईनात कोणी
अमाप आहे पैसा तरी हाव सुटत नाही
*रोजच बदलतात निर्णय जगण्याचे*
*सुखाच्या शोधात दुःख पचवता येत नाही*

माझे विचार मलाच पटवायचे म्हणतो
दलबदलू माझी त-हा सोडावी म्हणतो
*वेळ येते जेव्हा निर्णय घेण्याची*
*इकडे ना तिकडे मधेच घुसमटत बसतो*

स्वातंत्र्य आहे जरी आज आपणास
पण तळवे चाटणे अजून सुटलेले नाही
*पाहतो जेव्हा गरीबांना मागे पुढे फिरताना*
*जिव्हारी लागलेले घाव अजून बुझलेले नाही*

मन अभिव्यक्त करायला शिकायचं आहे
मनात दाबलेलं आता खोलायचं आहे
*राहून राहून एकच विचार सतावत असतो*
*जे येईल ओठावर तेच खरं खरं बोलायचं आहे*
*जे येईल ओठावर तेच खरं खरं बोलायचं आहे...*

...✍
गजेंद्र
ढवळापुरीकर
स्वराजनगर औरंगाबाद
🔷🔶🔷🔶🔷🔶🔷🔶🔷🔶🔷

मंगलाष्टके

🔷🔷🔷🔷🔷🔷🔷🔷🔷🔷🔷

*स्पर्धेसाठी*

*मंगलाष्टके*

आले व-हाड आले आप्तसगे सोयरे
मानपानासाठी मातापिता दिनरात झुरे
सज्ज बघा माझी छकुली ही चंचल परी
करण्या विवाह आज चढणार बोहल्यावरी

*कुर्यात सदा मंगलम शुभंभवतू सावधान...१*

दोन जीवांचे मिलन मिलाप दोन परीवारांचा
आणि मानपान होतो सग्या सोय-यांचा
देऊन शुभ आशिर्वाद करतील मनोकामना
संसार होवो सुखाचा हिच इश्वर चरणी प्रार्थना

*कुर्यात सदा मंगलम शुभंभवतू सावधान...२*

वाढत जावो संसारवेल नांदो सुख समृद्धी
दोन कुळाची आप्त सग्यांची व्हावी दृढ नाती
संपुर्ण जीवन तुमचे जावो सुख सलोख्याने
फुलावी दोन मने या विवाह सोहळ्याने

*कुर्यात सदा मंगलम शुभंभवतू सावधान...३*

सोडूनी माहेरा नववधू ओलांडीते सासरचा उंबरा
येतो अर्थ जीवनाला होतो इथे मानव जन्म पुरा
पाहते स्वप्न सुखी संसाराचे जोडीदारा सवे
सुखी जीवनाची सुत्र सुख मिळावे नवे नवे

*कुर्यात सदा मंगलम शुभंभवतू सावधान...४*

सगेसोयरे अन् सवंगडी देती शुभेच्छा वधुवरा
करती गुनगाण सोहळ्याचे चेहरा दिसे हासरा
नमन करूनी देवदेवतांना सप्तपदी चाला
शुभेच्छा देऊन एकमेकां गळा पुष्पहार घाला

*कुर्यात सदा मंगलम शुभंभवतू सावधान...५*

इच्छा एकच मनी ठेवा होवो संसार सुखाचा
दान कुंकवाचे दिले हा अनमोल ठेवा सौभाग्याचा
प्रेम आदर सन्मान करा थोरा मोठ्यांचा
नमन भगवंता तुजला असुदे आशिर्वाद तुझा

*कुर्यात सदा मंगलम शुभंभवतू सावधान...६*

वाजंत्री वाजते सुरात नववधूचा प्रवेश घरात
सुरसनईचा मंजुळ ध्वनी ढोलताशे वाजे सुरात
मनमोहनारी वाणी मंगल सुरांची मधुर गाणी
बांधा तोरणमाळा मिलनाच्या बहरेल सुंदर कहाणी

*कुर्यात सदा मंगलम शुभंभवतू सावधान...७*

आली घडी मिलनाची नववधूच्या गृहप्रवेशाची
झाली तयारी पाठवणीची गळाभेट मातापित्याची
वाजंत्री वाजते ठेक्यात आज निघाली लेक सासरी
झाली पाहुणी दोन दिवसाची पोरी हुंदका आवरी

*कुर्यात सदा मंगलम शुभंभवतू सावधान....८*


गजेंद्र
ढवळापुरीकर
स्वराजनगर औरंगाबाद

🔷🔷🔷🔷🔷🔷🔷🔷🔷🔷🔷

कुचंबना

संसयाचं भुत
बसतं मानगुटीवर
अन् होऊ लागतात
असंख्य कुचंबना.......!
किती बी ठेवा
झाकुन आपल्या मनातलं
येतं वर जव्हा
होते पळता भुई थोडी....!
नार नखरेली बगा
दावते हजार नखरं
तिच्या भातुकलीच्या खेळात
लाख जाती बकरं.....!
घर करून मनात
बसते उरात जव्हा
सगळंच जातं मोहात
क्षणभर सुखा पायी.....!
लखलखणारं जीवन
मग बनतं मसणवटा
परत कधीच येत न्हाई
किती बी करा आटापिटा.....!

गजेंद्र ढवळापुरीकर स्वराजनगर औ.बाद...