निर्भया

*............निर्भया...........*

निर्भया तु हे जग सोडून गेलीस
पण निर्दयता अजून तिथेच आहे
*बलात्कार तोच जीवघेणा आणि*
*लचके तोडणारे ही तसेच आहे.....१*

तू गेल्यावर अनेक निर्भया जन्मल्या
तुझ्या सारख्याच झुंज देऊन गेल्या
*काही समोर आल्या आणि काही*
*बदनामी पोटी मन शांत करून गेल्या...२*

एकाकी असते झुंज मुलगी म्हणून
रोजच होते छेडछाड अबला समजून
*आणि जन्म होतो पुन्हा निर्भयाचा*
*आरोपी मजेत जगतो करून सवरून...३*

निर्भया आता तू स्वप्नात येत चल
अबला स्त्रियांना कणखर करत चल
*लढण्यासाठी खंबीर करून त्यांना*
*जगण्यात त्यांच्या आता श्वास भरत चल...४*

प्रत्येक स्त्री आज निर्भयाच आहे
जन्मताच तीला स्त्री नावाचं लेबल लागतं
*कुणासाठी बहीण असते कुणासाठी मुलगी*
*कुणासाठी तर उपभोगाचं खेळणं असतं...५*

कुणी भुरळ घालतो मैत्रीचे जाळे पसरून
कुणी शोधत फिरतो सावज रस्त्यावरून
*एकटी दुकटी पाहताच लचके तोडतात*
*नंतर तेच नराधम घेतात श्वास हिसकावून...६*

कोवळ्या कळ्यांना ही सोडेना कुणी
कुस्करलेल्या कळ्या जातात होरपळून
*म्हणून एकच सांगणे आहे सर्व निर्भयांना*
*चलताना हिमतीने पाऊल टाका जपून*
*चलताना हिमतीने पाऊल टाका जपून...७*