[03/09/2018, 21:00] ~कवी गजेंद्र ढवळापुरीकर~: काव्यस्पंदन समूह
आयोजित स्पर्धेसाठी

विषय:दहि हंडी
(द्रोण काव्य रचना)


*शिर्षक:दह्याची हंडी*

बांधली ऊंचावरी
दह्याची ती हंडी
घेते उसळी
खुप थंडी
एकच
बंडी
ही.

करू गोपालकाला
बघा  नटखट
हा नंदलाला
करू म्हणे
उजाळा
नभी
या.

एकावरी एक रे
चढे ते गोपाल
करती खुप
हालचाल
पडती
खाली
रे

ही कृष्णजन्माष्टमी
उत्सव पावन
पवित्र जगी
आहे सण
चला रे
जन
हो.

चालल्या गोपगोपी
दह्याच्या हंडीला
घेऊन अंदाज
फोडायला
बघाना
झुला
तो.

©गजेंद्र
ढवळापुरीकर
स्वराजनगर औरंगाबाद
मो:९६२३७१४०११
दि.०३|०९|२०१८ सोमवार
[05/09/2018, 10:56] ~कवी गजेंद्र ढवळापुरीकर~: मनसोक्त साहित्य समूह
आयोजित स्पर्धेसाठी

विषय:देई जीवना आकार

शिर्षक:

गुरू आणि शिष्यांची जोडी आहे महान,
गुरू वाटी ज्ञान शिष्य घेई आत्मज्ञान..

घडवून संस्कार गुरू देई जीवना आकार,
गुण करी आत्मसात तो शिष्य तारंतार..

तांबजलेल्या लोखंडा परिस देई चकाकी,
तैसे गुरू शिष्यांमधे भरी चीर झकाकी..

आयुष्याच्या सुरूवातीला जीवन सुंदर होतं,
जेव्हा ब्रम्हज्ञान घेण्याचं पंखात बळ येतं..

साक्षरता अडाणीपणात घडवते जन्मांतर,
तिथे गुरूचे ज्ञान वाहत असते निरंतर..

शिष्य असे टवाळी जसा जळता निखारा,
गुरू देत आकार बनवी चकाकणारा तारा..

शिष्यांच्या जीवनाचा गुरू रचितो पाया,
असते अमाप ही खळखळ वाहणारी माया..

©गजेंद्र
ढवळापुरीकर
स्वराजनगर औरंगाबाद
मो:९६२३७१४०११
दि.०५|०९|२०१८बुधवार
[08/09/2018, 09:00] ~कवी गजेंद्र ढवळापुरीकर~: घे भरारी समूह
आयोजित स्पर्धेसाठी

पर्व दुसरे
फेरी क्रमांक 5

शिर्षक: आई (अभंग प्रकार)

आई या विश्वाचे। आहे एक रूप।
मायाळू ते खुप। कसे सांगू..।।१।।

आईची पुण्याई। विश्वाचे दर्शन।
मनाचे दर्पण ।स्वच्छ असे..।।२।।

आईची करूणा। जगी सर्व श्रेष्ठ।
आप्त सगे जेष्ठ। सारे काही..।।३।।

मायेचा सागर।आई माझी असे।
मन तीज भजे। सदोदित..।।४।।

संस्कार देऊनी। घडविते मुर्ती।
देते मज स्फुर्ती। पांडुरंगा..।।५।।

धागा एकनिष्ठ। बांधुनिया आई।
ऋण माझ्या डोई। जन्मोजन्मी..।।६।।

वात्सल्याची खाण।आई माझी देवा।
ममतेचा मेवा।तिच्या ठायी..।।७।।

आई विना देव। जन्माचा भिकारी।
करीतो चाकरी। विश्वासाठी..।।८।।

सारे हे ब्रम्हांड। आईचे रूपडे।
घालीतो साकडे। मुक्तीसाठी..।।९।।

 गजेंद्र
[16/09/2018, 19:06] ~कवी गजेंद्र ढवळापुरीकर~: *शिर्षक:माझ्या अस्तित्वाच्या खुणा*

शोधत आहे मी,
'माझ्या अस्तित्वाच्या खुणा'
विखुरलेल्या,जळमटलेल्या,
आयुष्याच्या वळणावर..!
विस्फोटक भावनांचे उद्रेक
तिथे शांत बसु देत नाही...
अश्रूंचे वादळ उठवते मनात घालमेल
का ? कुणास ठाऊक
अस्तित्वं खुणावत राहते
सिद्ध करण्यासाठी लढा अस्तित्वाचा अस्तित्वाशी..!
मने गुरफटलेली असतात एकमेकांशी
जाणिवा जपण्यासाठी
विस्फारलेले डोळे शोधत असतात
सावज करण्यासाठी एखादी शिकार..!
मी मनास समजावत राहतो मात्र
आपलं अस्तित्वं
टिकवण्यासाठी
जपण्यासाठी
मनावर होत जाणारे आघात विसरून
विडंबन करण्यासाठी जीवनाच्या पलटाचे..!
मात्र अस्तित्वं
शांत करतं मनात उठलेलं वादळ
तेव्हा जीवन नावाच्या पुस्तकातले
एक एक पान उलटून
मी शोधत असतो
माझ्या अस्तित्वाच्या खुणा...!!

©गजेंद्र
ढवळापुरीकर
स्वराजनगर औरंगाबाद
मो:9623714011
दि.१५|९|२०१८ वार शनिवार
[16/09/2018, 21:11] ~कवी गजेंद्र ढवळापुरीकर~: *.........तु आणि मी...... ..*

तु आणि मी श्रावणातला पाऊस
सोडून सखे गं नको मला जाऊस
तु आणि मी श्रावणातला पाऊस
                 तु आणि मी...//धृ//

श्रावण फुले गं हा जरा जरासा
नात्यास आपल्या मिळतो खुलासा
धुंद होऊनी अशी वेडे नको पाहूस
सोडून सखे गं नको मला जाऊस
                  तु आणि मी..//१//

धारा पावसाच्या बरसे रिमझीम
वाजली गं तुझ्या माझ्या प्रेमाची धून
ओढून हृदयासी प्रिये नको घेऊस
सोडून सखे गं नको मला जाऊस
                   तू आणि मी..//२//

आले कितीही संकट प्रेमावरी गं
ठेवीन तुला जपून माझ्या उरी गं
श्वास तुझ्या प्रेमाचा नको घेऊस
सोडून सखे गं नको मला जाऊस
                   तू आणि मी..//३//

अल्लड श्रावण हा अल्लड प्रेम
स्वागताला बरसे तुझ्या पावसाचे थेंब
खेळ माझ्या भावनांचा नको होऊ देऊस
सोडून सखे गं नको मला जाऊस
                  तू आणि मी..//४//

©®गजेंद्र
ढवळापुरीकर
स्वराजनगर औरंगाबाद
मो:९६२३७१४०११
दि.२७|८|२०१८ सोमवार