बाळा जो जो रे

--'------💝अंगाईगीत💝------

बाळा जो जो रे बाळा जो जो रे
अंगाई ऐकुनी आईची तु धाव रे
                 बाळा जो जो रे..........||धृ||

किती दिस झाले मी होते उदास
गळ्यात माझ्या नियतीचा फास
नाही भरोसा कधी कुणाचा खास रे
                 बाळा जो जो रे..........||1||

या जन्मीचा  संसार माझा फरपटलेला
आर्त कळांनी मनास माझ्या झाकलेला
तुझे येणे जीवनी माझ्या बनले श्वास रे
                बाळा जो जो रे...........||2||

बोबड्या बोलांनी तुझ्या आयुष्य सुखावले
हस-या  चेह-याने  तुझ्या हे मन मोहिले
अंगणात तुझे खेळणे भावते ह्रदयास रे
                  बाळा जो जो रे.........||3||

जन्माने तुझ्या बाळा सुखी जाहले रे
या डोळ्यांत एकच मी स्वप्न पाहिले रे
राहो जन्मोजन्मी तुझे अंतरात वास रे
                 बाळा जो जो रे..........||4||

होईन मी यशोदा तु होशील का कान्हा
येऊन ह्रदयास माझ्या फोडीला पान्हा
सळसळतो अंतरात तुझाच आभास रे
                बाळा जो जो रे..........||5||


------------------✍🏻गजेंद्र काळे
             *ढवळापुरीकर औरंगाबाद*