💝आज तुझ्या नयनांत💝

        *आज तुझ्या नयनांत*


आज तुझ्या नयनांत मी पण जाणवले,
तुला कळण्याआधीच डोळे पाणवले,

सांगणा काय गुन्हा होता असा माझा,
कि तुझे वागणे मला तंतोतंत जाणवले….1

स्मित हास्यही का नव्हते आज ओठांवर,
प्रिये आपलेपण तुझे मोजले मी बोटांवर ,

ह्रदयात मज दे अथवा नको देउस जागा,
काट्यांप्रमाणे सलेन मी फुलांच्या देठांवर….2

तुझे असणेच मला निशब्द करून जाते,
आठवांनी  मन भरुन माझे वाहू लागते,

तुझे वरवरचे आपलेपण पाहून हे ह्रदय,
आभाळभर संकटाची चाहुल देऊन जाते…3

थांब त्या वळणावर जिथे भावनांचे जन्म झाले,
डोळ्यांत अश्रू बघून तिथे जीवन उदास झाले,

मिळणारे सुखही आता नकोसे वाटते आहे,
कुणास ठाऊक आता जगणे ही भकास झाले…4


                   
                   *गजेंद्र काळे*
                  (9623714011)
          *ढवळापुरीकर औरंगाबाद*