*शौचालय बांधु घरोघरी*

जाणार एक लेक माझी 

सोडून माहेर नांदायला सासरी,
येणार एक लेक पुन्हा
नव्याने नांदायला सासरी,
चला गड्यानों स्वागताला त्यांच्या
शौचालय बांधु घरोघरी............||धृ||

हुंडा देऊच नका कुणी
तर शौचालय बांधून द्या,
आया बहिणींनी परवड
ह्रदयातून जाणून घ्या,
शौचास जाणे उघड्यावर
सांगा रीत आहे का बरी....
चला गड्यानों स्वागताला त्यांच्या
शौचालय बांधू घरोघरी...........||1||

दुर्गंधी पसरते चहूबाजुला
रस्त्याच्या दोन्ही कडेला,
येता अतिथी गावामध्ये
घाणच घाण चारी दिशेला,
खाली माना झुकवूनी जातात
सान थोरांच्या नारी
चला गड्यानों स्वागताला त्यांच्या
शौचालय बांधू घरोघरी............||2||

लेक लग्न करून जाते आपली
दुस-याची लेक नटून दारी येते,
चार चौघात बघा मर्दानों
हातात डबकं घेऊन बाहेर जाते,
काॅलर टाईट करणा-यानों
अब्रू जात नाही का चव्हाट्यावरी
चला गड्यानों स्वागताला त्यांच्या
शौचालय बांधू घरोघरी............||3||

शौचास बाहेर जाणे सर्वांचे
आहे आजाराला स्व निमंत्रण,
घरी शौचालय बांधून घेता
होईल नारीचे आरोग्यदायी जीवन,
व्हावा हागणदांरी मुक्त देश
हिच  आशा  उरली  अंतरी
चला गड्यानों स्वागताला त्यांच्या
शौचालय बांधू घरोघरी..........||4||

पिडा वेदना जातील नारीच्या
आणि होईल गाव सुंदर,
शौचास बाहेर जाणा-यां महिलांचे
एकच येईल मग उत्तर,
वेदना क्षमल्या माझ्या आज
आहे घराची मी इज्जत खरी
चला गड्यानों स्वागताला त्यांच्या
शौचालय बांधू घरोघरी..........||5||

--------✍🏻 *कवी गजेंद्र*
       *(ढवळापुरीकर औरंगाबाद)*